Milli Aviasiya Akademiyası Voleybol Klubu 17 iyul 2023-cü il tarixində yaradılmışdır. Qısa zaman ərzində fəaliyyətinə baxmayaraq peşəkar idman klubu statusuna yiyələnmiş və Azərbaycan Voleybol Federasiyasının təşkil etdiyi ölkə çempionatlarında yüksək liqanın iştirakçısı olmuşdur. 2024-cü il İyul ayının 16-19 tarixlərində Çimərlik voleybolu üzrə keçirilən ölkə çempionatında bürünc medalın sahibi olmuşdur.
Milli Aviasiya Akademiyası Voleybol Klubunda yerli idmançılarla birlikdə legioner idmançılarda iştirak edirlər. Həmçinin yeniyetmə və gənclərdə aktiv şəkildə klubun üzvlüyündə fəaliyyət göstərirlər.
Klubun təcrübəli əcnəbi məşqçiləri bölgələrdə voleybolun inkişafı məqsədi ilə seminar və məşqlər keçirir, öz təcrübələrini yerli mütəxəssis, yeniyetmə və gənclərlə paylaşırlar.
Hazırda Milli Aviasiya Akademiyası Voleybol Klubunun bir çox filialı Bakı şəhərinin orta məktəblərində və Milli Aviasiya Akademiyasının idman zalında fəaliyyət göstərirlər.
MAA VK – u müntəzəm məşqlərlə yanaşı başqa klublarla yoldaşlıq oyunlarıda təşkil edir. Klub həmçinin bacarıqlı məşqçilərin işə götürülməsinə, komanda işinin təşviqinə və turnirlərin təşkilinə diqqət yetirir. Klub yüksək standardtlara cavab verən avadanlıqlarla təchiz edilmiş və idmançılar üçün peşəkar səviyyəli fitnes proqramları keçirilir. MAA klubu həmçinin zədələrin qarşısının alınması proqramlarına diqqət yetirir və psixi sağlamlıq dəstəyinidə həyata keçirir.
Yeni istedadların kəşf edilməsi üçün yerli məktəblər və kolleclərlə əməkdaşlıq edilir.